Қуръакашии даври ҳаштякниҳоӣ баргузор шуд

Дар шаҳри Душанбе маросими қуръакашии 1XBet-Ҷоми Тоҷикистон-2023 баргузор шуд. 16 даста ҳарифи худро дар даври 1/8-ниҳоӣ маълум карданд.

Барои дарёфти ҷоизаи мазкур даҳ дастаи Лигаи олӣ ва шаш дастаи Лигаи якум, ки тариқи марҳилаи муқаддамотӣ ба қисмати асосӣ роҳ ёфтанд, рақобат мекунанд.

Тибқи натоиҷи қуръакашӣ дар бозиҳои даври ҳаштякниҳоии Ҷоми Тоҷикистон-2023, ки рӯзҳои 29 ва 30-юми июл баргузор мешаванд, «Истиқлол» бо КМВА, «Файзканд» бо «Саройкамар», «Хуҷанд» бо «Регар-ТадАЗ», «Панҷшер» бо «Эсхата», «Моҳир» бо «Истаравшан», «Парвоз» бо «Хатлон», «Ҳосилот» бо «Барқчӣ» ва «Кӯктош» бо «Равшан» бозӣ мекунанд. Бозиҳои даври ҳаштякниҳоӣ ва чорякниҳоии Ҷоми Тоҷикистон аз як бозӣ иборат буда, дар майдони дастае, ки дар ҷуфт аввал аст, доир мешавад. Вохӯрии ниманиҳоӣ аз ду бозӣ — дар хона ва дар сафар иборат аст.

Бозии ниҳоии Ҷоми Тоҷикистон-2023 дар Варзишгоҳи марказии шаҳри Кӯлоб баргузор хоҳад шуд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube