ҶАҲОНИ ИД ДАР “ТОҶИКИСТОН”

3-уми сентябр дар бештари кишварҳои олам чунин ҷашну маросимҳои расмиву ғайрирасмӣ, милливу мардумӣ қайд карда мешаванд:

ҶИДДӢ

-Дар бештари кишварҳои олам Рӯзи ҳамраъйӣ баҳри мубориза бо терроризмро таҷлил мекунанд. Ин сана соли 2005 расман қабул гардидааст.

-Дар Ҷумҳурии Молдава Рӯзи армияи миллиро қайд мекунанд. Маҳз дар ҳамин рӯзи соли 1991 Қонун “Дар бораи Қувваҳои мусаллаҳ”-и ин кишвар ба имзо расидааст.

-Сокинони Замбия Рӯзи Леви Патрик Мванавасаро ботантана таҷлил мекунанд. Ин нафар яке аз президентҳои муваффақи кишвари африқоии Замбия мебошад.

-Дар Тоҷикистон Рӯзи авиатсияи гражданиро қайд мекунанд. Маҳз дар ҳамин рӯзи соли 1924 бори нахуст ҳавопаймои Ю-13 дар фазои кишвари мо парвоз кардааст.

-Дар кишвари Тунис Рӯзи ҳаракати истиқлолхоҳиро ботантана таҷлил мекунанд. Ин ҳаракат боиси он гаштааст, ки Тунис истиқлолияти комили худро ба даст оварад.

-Канадагиҳо ва бритониҳо Рӯзи флоти тиҷоратии хешро қайд мекунанд. Ин флот соли 1939 расман таъсис ёфтааст.

-Давлати Қатар Рӯзи истиқлолияташро таҷлил мекунад. Маҳз дар ҳамин рӯзи соли 1971ин кишвар аз тобеияти Британияи Кабир баромадааст.

-Сокинони Австралия Рӯзи парчами миллиро бо шукӯҳу шаҳомат таҷлил мекунанд. Ин парчам дар ҳамин рӯзи соли 1901 барафрохта шудааст.

ҲАЙРАТОВАР

-Хурдтарин давлати олам-Сан-Марино рӯзи “таваллуд”-ашро ҷашн мегирад. Маҳз дар ҳамин рӯзи соли 301 Сан-Марино ҳамчун давлат арзи ҳастӣ кардааст.

ФАРАҲБАХШ

-Дар Португалия Фестивали ангурро таҷлил мекунанд. Дар ин рӯз шоу-барномаҳо ва рақсҳои фолклорӣ барпо карда мешавад.

-Рӯзи ҷаҳонии биноҳои муҳташам қайд карда мешавад. Бурҷи Халифа бо баландии 828 м ва Бурҷи Шанхай бо баландии 632 м. аз баландтарин бино дар кураи Замин аст.

P.S: “Pressa.tj”-ро пайгирӣ кунед ва аз дигар хабару рӯйдодҳои ҷаҳон огоҳ бошед.

Амони Муҳаммад

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube