Ҷавонон дар Хатлон беш аз 1130 ҷиноят содир кардаанд

Соли 2021 ҷавонон дар вилояти Хатлон 1 ҳазору 133 ҷиноят содир кардаанд. Ин нукта имрӯз, 2-юми феврали соли ҷорӣ дар нишасти матбуотии Раёсати ҷавонон ва варзиш дар вилояти Хатлон зикр карда шуд.

Аловиддин Амирзода, иҷрокунандаи вазифаи сардори раёсати болозикр гуфт, дар соли 2021 дар умум аз ҷониби ҷавонони вилояти Хатлон 1 ҳазоур 133 ҷинояти гуногун содир карда шудааст, ки нисбати соли 2020-ум 434 ҷиноят кам мебошад. Ӯ мегӯяд, ки “аз ҳама бештар ҷавонон даст ба дуздӣ задаанд. Мо бо сохторҳои маҳаллӣ барои паст кардани сатҳи ҷинояткорӣ миёни ҷавонон кор бурда истодаем”.

Ҳамчунин, давоми соли 2021-ум 35 ҳолати даст ба худкушӣ задани ҷавнон сабт шудааст. Хушбахтона, даст ба худкушӣ задани ҷавонон дар соли 2021 назар ба соли гузашта 9 ҳолат кам шудааст.

Машраби АЛОВИДДИН

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube