1-уми сентябр -иди саиди Қурбон

Шӯрои уламои Маркази исломии Тоҷикистон муайян намудааст, ки иди саиди Қурбон дар кишвар, чун дигар кишварҳои мусалмонӣ 1 сентябр таҷлил мегардад.

Тибқи қарори Шӯрои уламо, ки имрӯз, 23-юми август қабул шуд, соати 6:30-и субҳи 1-уми сентябр дар тамоми масҷидҳои ҷомеи кишвар намози иди саиди Қурбон баргузор мегардад.

Қаблан Эмомалӣ Раҳмон, раисиҷумҳури Тоҷикистон аз шаҳрвандон хост, идро хоксорона таҷлил намоянд ва ба худнамоӣ роҳ надиҳанд. Ӯ аз афроди доро даъват намуд, ки дар ин иди муборак табақаи ниёзмандро дастгирӣ кунанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube