28-уми апрел интихоботи президентӣ доир мегардад

Комиссияи марказии интихоботи Осетияи ҷанубӣ дастур дод, ки рӯзи баргузории даври дуюми интихоботи президентӣ рӯзи истироҳат таъин шавад.

Додгоҳи олии Осетияи Ҷанубӣ даъвои шаҳрвандони ҷумҳурии муқими Осетияи Шимолиро дар бораи беэътибор донистани қарори Комиссияи марказии интихоботӣ аз 14 апрел дар бораи таъини даври дуюми интихоботи президентӣ ба 28 апрел қонеъ кард.

Рӯзи 20 апрел шаҳрвандон Азамат Тандуев, Георгий Гагкуев ва Радислав Утаров ба Додгоҳи олӣ шикоят бурда, дар он аз КМИ, ки даври дуюми интихоботи президентӣ ба рӯзи корӣ таъин кардааст, розӣ нестанд. Комиссияи марказии интихоботӣ бо қарори додгоҳ муваззаф аст рӯзи баргузории интихоботро рӯзи якшанбе таъин кунад.

 Қаблан раиси КМИ ин ҷумҳурӣ Эмилия Гагиев ба хабаргузории Интерфакс гуфта буд, ки даври дуюми интихоботи президентӣ дар Осетияи Ҷанубӣ 28 апрел баргузор мешавад.

 Дар даври дуюми интихобот раиси феълии ҷумҳурӣ Анатолий Бибилов ва раҳбари ҳизби сиёсии «Ныхас» Алан Гаглоев иштирок мекунанд. Бибилов дар даври аввали интихоботи рӯзи 10 апрел 9706 (34,95%), Гаглоев 10707 (38,55%) овоз гирифтанд.

 Ғолиби даври дуюм бо аксарияти оддии овозҳо муайян карда мешавад. Барои эътиборнок донистани он бояд дар овоздихй зиёда аз 30 фоизи интихобкунандагоне, ки ба руйхатхои интихоботй дохил шудаанд, иштирок кунанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube