49 сар гов аз Қирғизистон бе иҷозат ба Тоҷикистон ворид шуд

Мақомоти милитсияи Суғд марди 41-соларо  бо гумони содир намудани ҷинояти қочоқ дастгир карданд.

Гумонбаршаванда сокини шаҳри Истаравшан буда, бидуни барасмиятдарории гумрукӣ бо роҳи қочоқ аз кишвари ҳамсояи Қирғизистон, тавассути 3 автомашинаи тамғаи «Газел» 49 сар чорвои калони шохдорро ба ҳудуди Тоҷикистон ворид кардааст.

Арзиши  49 сар чорвои калони шохдори аз гумонбаршаванда гирифташуда 443 ҳазору 450 сомониро ташкил медиҳад.

Ҳоло нисбати ин мард парвандаи ҷиноятӣ оғоз ёфта, тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube