قدردانی پنتاگون از تاجیکستان برای کمک به افغانستان

وزارت دفاع امریکا از تاجیکستان، ترکمنستان و ازبکستان برای کمک همه جانبه در بازسازی افغانستان قدردانی کرد.

به گزارش رادیو تاجیکی صدای خراسان به نقل از تاپ تی جی،  وزارت دفاع آمریکا اعلام کرد، کشورهای آسیای مرکزی در سال 2017 در مورد وضعیت امنیتی در افغانستان و نفوذ احتمالی گروه های تروریستی به خاک خود نگران بودند. نگرانی اصلی این کشورها امکان بازگشت شبه نظامیان گروه تروریستی داعش که از سوریه و عراق به افغانستان آمده اند، به وطن خود است.

اخیرا سراج‌الدین اصل اف نیز در نشست وزرای امور خارجی کشورهای عضو سازمان امنیت و همکاری اروپا در وین با اظهار نگرانی از تجمع جنگجویان خارجی از جمله اعضای داعش در افغانستان گفت، ادامه این روند در کشور همسایه خطر جدی نه تنها برای تاجیکستان بلکه برای مرز جنوبی سازمان امنیت و همکاری اروپا دارد.

اشرف غنی رئیس جمهور افغانستان در جریان سفر خود به شهر دوشنبه در ماه می سال جاری، از تاجیکستان برای حمایت های مستمر و کمک در زمینه امنیت و بویژه برای ایجاد شرایط درمان افسران و سربازان افغان در بیمارستان های این کشور قدردانی کرده بود.

تاجیکستان با افغانستان 1400 کیلومتر مرز مشترک دارد.

پنتاگون آسیای مرکزی را یک منطقه مهم برای منافع آمریکا می داند و از طریق کشورهای این منطقه از جمله تاجیکستان تدارکات نظامی خود در افغانستان را تامین می کند.

حضور نظامی آمریکا از سال 2001 در افغانستان به بهانه مبارزه با تروریسم به همراه سایر کشورهای عضو سازمان پیمان آتلانتیک شمالی (ناتو)، تاکنون هیچ دستاوردی نداشته و ناامنی ها روز به روز در این کشور افزایش یافته است.

درحال حاضر حدود 18 هزارنظامی خارجی از جمله 15 هزار نظامی آمریکایی به بهانه تامین امنیت در افغانستان حضور دارند.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube