5 сол ҳукм барои оташ задани 10 мошин

Дар Новосибирск шаҳрванди 35 солаи тоҷикро, барои  оташ задани 10 мошини гаронбаҳои корфармояш, 5 сол ҳукм доданд.

Додгоҳи Заелтсовскии Новосибирск шаҳрванди Тоҷикистон Қосимҷон Ҳоҷибоевро, ки дар оташ задани парки мошинҳои корфармои собиқаш муттаҳам мешуд, маҳкум кард.

Мувофики моддаи 167-и Кодекси ҷиноятии Федератсияи Русия (нобуд кардан ё вайрон кардани амвол) ва м. 158-и Кодекси ҷиноии Федератсияи Русия (дуздӣ) ба муҳлати 5 сол аз озодӣ дар колонияи режими умумӣ маҳкум шуд.

Ҳодисаи  ин қазия  шаби 9 феврали соли 2023 дар як деҳаи бонуфузи коттеҷӣ воқеъ дар Заелцовский Бор рух дода будааст. Ба гуфтаи муфаттишон, Қосимҷон Ҳоҷибоев аз маош ва шароити корӣ норозигӣ карда, ба яке аз мошини корфармои собиқаш бензин рехта, оташ задааст, ки баъд аз он сӯхтор ба 9 мошини дигари хориҷӣ паҳн шудааст.

Сӯхтор ҳашт мошинро ба коми оташ кашидааст: як мошини Bentley Bentayga, ки арзишаш 16,2 миллион рубл аст.

 Илова бар ин, муттаҳам дучархаеро дуздидааст, ки бо истифодааш аз ҷойи ҳодиса берун рафтааст. Зарар, ба гуфтаи тафтишот, беш аз 120 миллион рублро (15 млн сомонӣ) ташкил додааст.

Айбдоршаванда иттиҳомоти алайҳи ӯ эълоншударо рад кардааст..

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube