500 000 дарахт. Нақшаи солонаи ниҳолшинонӣ дар Хатлон
Мувофиқи нақша имсол дар шаҳру ноҳияҳои вилояти Хатлон шинонидани 500 ҳазор бех дарахти гуногун дар назар аст.
Қурбоналӣ Собирзода, сардори Сарраёсати ҳифзи муҳити зист дар вилояти Хатлон ба Pressa.tj гуфт, ки аз оғози мавсими ниҳолшинонӣ то имрӯз 259 ҳазору 860 дарахт шинонида шудааст. Ӯ мегӯяд, то охири мавсим 500 ҳазор дарахт шинонида мешавад.
«Мавсими шинонидани дарахт бо иштироки Давлаталӣ Саид, раиси вилояти Хатлон оғоз гардид ва то имрӯз муташаккилона идома дорад. Нақша каме бештар аз 52 дарсадро ташкил мекунад ва мо бовар дорем, ки онро пурра иҷро мекунем»,-гуфт номбурда.
Қурбоналӣ Собирзода афзуд, ки дар вилояти Хатлон дар майдони 30 гектар замин ниҳолпарваришгоҳ ташкил карда мешавад. Дар ниҳолпарваришгоҳҳо дарахтони нодир парвариш мешаванд ва дар васеъ кардани ҷангал истифода хоҳанд шуд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ