78 ҳазор сомонӣ дӯздида шуд, 3 ноболиғ гумонбар

Раёсати Вазорати корҳои дохилӣ дар шаҳри Душанбе хабар дод, ки 78 ҳазор сомонии ҷавонзанеро аз хонаи истиқоматияш дӯздидаанд ва гумонбарон ноболиғанд.

Як зани 30-солаи сокини ноҳияи Шоҳмансури пойтахт бо ариза ба ШВКД-2 дар ноҳияи мазкур муроҷиат намудааст, ки 2-юми майи соли 2021, тахминан соати 02:00, шахсони номаълум бо роҳи пинҳонӣ ба хонаи истиқоматиаш даромада, аз он ҷо 78 ҳазор сомониро дуздида, аз ҷойи ҳодиса ғайб задаанд.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия се ноболиғи 15 ва як ноболиғи 16-солаи сокинони ҳамин ноҳия ҳамчун гумонбар дар содир намудани ҷинояти дуздӣ дастгир карда шуданд.

  Аз рӯи ин ҳодиса тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube