Афғонистон: Толибон воситаҳои зидди ҳомиладориро манъ накардаанд

Толибон маълумот дар бораи манъи истифодаи воситаҳои зидди ҳомиладорӣ барои занонро рад кардаанд.

Вазорати беҳдошти Афғонистон гуфтааст, ки Толибон фурӯши маводи зидди ҳомиладорӣ барои занонро манъ накардаанд. Шараф Замат Амар, сухангӯи Вазорати тандурустии Афғонистон дар суҳбат бо РИА “Новости” гуфтаст, ки Толибон* (аъзои Толибон) фурӯши воситаҳои зидди ҳомиладорӣ ба занонро манъ накардаанд.

Қаблан рӯзномаи бритониёии «Гардиан» навишта буд, ки Толибон фурӯши васоили пешгирӣ аз ҳомиладориро ба занон манъ карда ва гуфтаанд, ки истифода аз онҳо як заминасозии Ғарб барои назорати шумораи мусалмонон аст.

«Дар баъзе мавридҳо доруҳои зидди ҳомиладорӣ як қисми табобат буда, дар ҳолати зарурӣ аз ҷониби духтур пас аз муоина кардани вазъи бемор тавсия дода мешавад. Қарори манъкунӣ гирифта нашудааст ва ин овозаҳо ва хабарҳо беасосанд»,- гуфтааст сухангӯи вазорат.

Ба навиштаи рӯзномаи «Гардиан», ҳоло дар Афғонистон аз ҳар 14 зан як нафар ба иллати ҳомиладорӣ мефавтад ва дар ин кишвар бадтарин шароит барои таваллуди фарзанд вуҷуд дорад. Фаъолон аз Толибон даъват мекунанд, ки созишномаҳои байналмилалиро риоя ва дастрасии ҳамагонро ба ҳифзи саломатии репродуктивӣ пешбинӣ намоянд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube