Ҳалокати 6 узви як оила

Мақомоти Покистон мегӯянд,ки дар натиҷаи таркиши мошине дар як маҳалли наздик ба марзи Афғонистон, 6 узви як оила кушта шуданд. Ин хонавода ба як маросими дафн ба минтақаи қабоилнишини Хуррам мерафтаанд, ки мошинашон таркидааст.

Акбар Ифтихор як мақоми расмӣ дар минтақа гуфт, ки се марду се зан дар ҷойи ҳодиса ҳалок шудаанд. Маълум нест, ки мошин ба мина бархӯрда таркидааст ва ё бомби канори роҳ. Як нафар дар ин таркиш захм бардоштааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube