Ангуштатро налес. Трамп ҳарифашро масхара кард

Президенти Амрико Доналд Трамп навори питзохӯрии Майк Блумберг, номзад ба курсии президентии Амрикоро мунташир намуда, ӯро масхара кард. Трамп бо пахши ин навор рақибашро мавриди хандахарош қарор додааст.

Дар навор Майк Блумбер номзад ба мақоми раёсатҷумҳури ин кишвар аснои маъракаи қабл аз интихоботӣ, як пора питзоро бо даст гирифта ба даҳон андохт ва сипас чаҳор ангушти худро ба навбат лесидаст.
Лаҳзаи ангуштлесии ҷаноби Блумберг наворбардорӣ ва ба шабакаҳои иҷтимоӣ роҳ ёфт.
Навори мазкурро Доналд Трамп президенти феълии Амрико низ дар сафҳаи худ дар Твиттер ҷо дод ва бо тамасхур зери он чунин навиштаст:
«Майки хурдакак, ангуштони чиркинатро налес. Ин ғайрисанитарӣ аст, ҳам ба худ ва ҳам ба атрофиёнат хатар дорад». (Mini Mike, don’t lick your dirty fingers. Both unsanitary and dangerous to others and yourself!).
Гуфта мешавад, Майк Блумберг барои тарғиби номзадии худ ба курсии президентӣ наздики ниммиллион доллар масраф намудаст.
Ёдовар мешавем, ки дар Амрико 3 — юми ноябри соли равон интихоботи президентӣ баргузор мешавад. Раисҷумҳури феълӣ Доналд Трамп низ дар ин рақобат иштирок хоҳад кард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube