Ҳаво абриву бебориш мешавад

Имрӯз дар ҷумҳурӣ ҳавои тағйирёбандаи абрнок дар назар аст. Дар ин бора аз Агентии обуҳавошиносии Тоҷикистон иттилоъ додаанд.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрноки тағйирёбанда дар назар  дошта шуда,  дар ғарби вилоят шабона – 4 — 9  ва дараҷа хунук ва  рӯзона  +6+11  гарм мешавад. Дар шарқи ин вилоят ҳаво шабона -19-24 дараҷа ва рӯзона -4-9 дараҷа сард  мешавад.

Дар вилояти Суғд  ҳавои абрноки  тағйирёбанда мешавад. Шамол аз самти ғарб 3-8 ва дар баъзе ноҳияҳо то 12-17  метр   дар як сония мевазад.  Ҳаво дар водиҳо шабона 0+2  ва рӯзона 10+12   дараҷа гарм мешавад.

Дар вилояти Хатлон ҳавои абрноки  тағйирёбанда  шуда, баъзан боридани борони кӯтоҳмуддат дар назар аст. Ҳаво дар водиҳо шабона 2+4 ва рӯзона +16+18   дараҷа гарм хоҳад шуд.

Дар шаҳру ноҳияҳои тобеи марказ ҳавои абрноки тағйирёбанда дар назар аст. Ҳаво шабона -1+4  ва рӯзона  ба  13+18  дараҷа гармӣ мерасад.

Дар шаҳри Душанбе ҳавои абрноки тағйирёбанда шуда, ҳарорат  шабона 2+4  ва рӯзона +14+16  дараҷа гарм мешавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube