Аз кӯчаи Мастонгулов то хиёбони Рӯдакӣ. Ду рӯз қатъи ҳаракати мошинҳо дар Душанбе

Давоми ду рӯз дар чанд кӯчаву хиёбони шаҳри Душанбе ҳаракат воситаҳои нақлиёт қатъ мегардад.

Бино ба иттилои Раёсати ВКД дар шаҳри Душанбе, 22 август, аз соати 09:00 то соати 14:00, ҳаракати воситаҳои нақлиёт тавассути кӯчаҳои Мастонгулов (Фурудгоҳ), А. Дониш, С. Айнӣ (Садбарг), хиёбони Рӯдакӣ ва Сомонӣ муваққатан маҳдуд карда мешавад.

Ҳамчунин, 23 август, аз соати 11:30 то соати 14:00 ҳаракати воситаҳои нақлиёт тавассути хиёбони Рӯдакӣ, Сомонӣ, кӯчаҳои Сино, С.Айнӣ (Садбарг) А. Дониш ва Мастонгулов (Фурудгоҳ) муваққатан маҳдуд мегардад.   

Аз шаҳрвандон ва ронандагони воситаҳои нақлиёт хоҳиш карда  шудааст, ки аз роҳҳои мошингарди кӯчаҳои ҳамшафат истифода намоянд. Ҳамчунин,  аз таваққуфи нодоруст дар кӯчаҳои мазкур худдорӣ намоянд.       

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube