Аз таҳти дил бихандед!

Корманди хуб

Котиба ба яке аз кормандон занг зада, мегӯяд:

— Самир, ту дар куҷоӣ? Шеф як соат боз туро мекобад.

Самир дар ҷавоб мегӯяд:

— Ба шеф расон, ки корманди хубро ёфтан душвор аст!

Зихна

Марди зихнае пеш аз марг ба наздиконаш рӯ оварда, мегӯяд:

— Занак, дар куҷоӣ?

Занаш мегӯяд:

— Ман ин ҷоям.

Мард боз мепурсад:

— Фарзандонам, дар куҷоед?

Фарзандон бо як овоз:

— Дадаҷон, мо ин ҷоем.

Мард мегӯяд:

— Ҳамаатон дар ин ҷо бошед, чаро барқи ошхона фурӯзон аст?

Туҳфа

Ҷарроҳи ҷавонро баъди ду маротиба ҷарроҳии бебарор карданаш мудири шуъба даъват карда, мепурсад:

— Гӯш кун, Аброров, ту дипломро харидаӣ чӣ?

Ҷарроҳ дар ҷавоб мегӯяд:

— Хафа мекунед, духтур, барои чӣ дипломро мехаридаам? Онро ба ман дар зодрӯзам туҳфа карданд!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube