Аз таҳти дил бихандед!

Дарди дили марди чорзана

Аз марде, ки чор маротиба зан гирифтааст, мепурсанд:

— Ориф, ба мардҳои безан чӣ тавсия медиҳӣ?

Ориф дар ҷавоб:

— Агар медонистам, ки ҳамааш як хел ҳастанд, умуман зан намегирифтам!

Шарт

Падари донишҷӯе ба профессор мегӯяд:

— Профессор, ба фикрам писари ман пагоҳ экзаменро супорида наметавонад.

Профессор дар ҷавоб:

— Биёед, ба ҳазор сомонӣ шарт мекунем, ки писаратон месупорад!

Махфӣ

Марде зани фарбеҳеро ба оғӯш гирифта, мепурсад:

— Насибахон, вазни шумо чӣ қадар аст?

Зан бо ноз:

— Ин махфӣ аст…

Мард мегӯяд:

— Ақаллан се рақами аввалашро гап занед…

Зани дуюм

Марде ба духтури шиносаш занг зада, мегӯяд:

— Духтур, зудтар биёед, завҷаамро дарди аппендисит азоб медиҳад!

— Хавотир нашавед. Ду сол қабл ман зани шуморо ҷарроҳӣ карда будам. Аппендисит дар одам дубора пайдо намешавад!

Мард мегӯяд:

— Рост мегўед, лекин зани дуюм пайдо мешавад-ку!

Буҳрони иқтисодӣ

Марде ба мағоза даромада, аз фурӯшанда мепурсад:

— Моҳӣ доред?

— Шўрмоҳӣ ҳаст.

— Дигар намуди моҳӣ нест?

— Не. Ба ҳамааш буҳрони иқтисодӣ айбдор, на нақлиёт асту на бензин.

Мард ба фурӯшанда мегӯяд:

— Чӣ, шўрмоҳӣ ба мағозаи шумо бо таксӣ омад?

Меҳрубонӣ

Зан ба шавҳар мегӯяд:

— Ҷонакам, ба ман ягон гапи ширин гўй.

— Харгўшак.

Зан бо ноз:

— Боз.

Мард мегӯяд:

— Як села харгўш.

Хешовандон

Зану шавҳар бо мошин аз назди деҳае мегузаранд. Зан ду маркабро дида, ба шавҳараш мегўяд:

— Хешовандонатро дидӣ?

Шавҳар мегӯяд:

— Наход хусуру хушдоманамро надида гузарам!?,- ҷавоб медиҳад мард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube