Аз таҳти дил бихандед!

Туҳфа

Марде ба завҷааш туҳфаи пурқиммат тақдим менамояд. Зан бо хушнудӣ аз шавҳар мепурсад:

— Мардакҷон, чӣ хел туҳфаи қимматбаҳо! Шумо ин қадар пулро аз куҷо ёфтед?

Мард дар ҷавоб мегӯяд:

— Занак, ман ҳамон ҷӯробҳоеро, ки ту бароям ҳар сол дар рӯзи 23-юми феврал туҳфа карда будӣ, ҷамъ карда фурӯхтам…

Зиракӣ

Зане дугонаашро ҳангоми харидорӣ намудани туҳфа дида, мепурсад:

— Шарифахон, шарт аст, ки ин қадар туҳфаи қимматбаҳо харидорӣ намоед?

Шарифахон мегӯяд:

— Эҳ дугона, магар ту намедонӣ, ки рӯзи 23-юми февралро чӣ гунае, ки сипарӣ намудӣ, рӯзи 8-уми мартро ҳамон гуна пешвоз мегирӣ?

Орзу

Марде моҳии тилло қапида, аз ӯ хоҳиш мекунад:

— Коре кун, ки ҳар рӯз иди мардон, яъне 23-юми феврал бошад.

Моҳича дар посух мегӯяд:

— Дер кардӣ, занат аллакай орзу намуд, ки ҳар рӯз 8-уми март бошад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube