Аз таҳти дил бихандед!

Пушту паноҳ

Ба сари нафаре мезананд, «вой пуштам!» гуфта гиря мекунад.

— Охир, мо ба сари ту задем, чаро пуштам гуфта гиря мекунӣ?,- мепуранд аз ӯ.

— Агар пушту паноҳе медоштам, ба сари ман зада наметавонистед,- ҷавоб медиҳад ӯ.

Содда

Дар беморхона:

— Духтурҷон, ҳамин ҷарроҳии қиммат воқеан зарур аст?

— Албатта зарур, бе ин на дар Варзоб дам гирифта мешаваду на дар Сафеддара лижа ронда.

— Духтурҷон, ба ман на Варзоб даркору на лижаронӣ.

— Эй содда, гап дар бораи ту намеравад охир,- мегӯяд табиб.

Ҷумлаи саволӣ

Марде ғазаболуд якбора мушт болои миз зада, нидо мекунад:

— Кӣ зурӣ хона?

Зани бечора ҳам, ки аз афташ аз бекоргардии ӯ ҷонаш ба лаб омада буд, кафлезро баланд бардошта, дар фарқи сараш мефурорад.

Баъди ба ҳуш омадан, мард алам мекунад:

— Занак, кори хуб накардӣ, одами бегуноҳро қариб бикушӣ.

— Чӣ хел бегуноҳ, чиба худата зӯри хона мегирӣ?

— Занак, ман худама зӯр нагуфтам, агар аҳамият медодӣ, ҳамон ҷумлаи ман аломати савол надошт.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube