Аз таҳти дил бихандед!

Фолбин

Духтаре ба ҷавони дӯстдоштааш мегӯяд:

— Субҳон, кай ба хонаамон хостгор равон мекунӣ?

Ҷавон дар ҷавоб:

— Медонӣ, ҷонакам, як фолбин ба ман гуфт, ки зани якумам вафот мекунад. Беҳтараш ман сараввал бо духтаре издивоҷ мекунам, ки дилам барои мурданаш насӯзад, ана баъд туро ба занӣ мегирам.

Ҷавонӣ

Субҳгоҳон шавҳар ба занаш мегӯяд:

— Ман вақте ришамро мегирам, худро бист сол ҷавонтар ҳис мекунам.

Зан дар ҷавоб мегӯяд:

— Пас, чаро пеш аз хоб ришатро намегирӣ?

Ҳамсояҳо

Зане субҳгоҳон аз ҳамсояаш мепурсад:

— Ҳа Гуландом, бемор шудӣ чӣ?

Гуландом дар ҷавоб:

— Савригул, барои чӣ ман бемор мешудаам?

Савригул мегӯяд:

— Ин саҳарӣ аз хонаат духтур баромада буд.

Гуландом мегӯяд:

— Хайр чӣ? Вақте субҳгоҳон аз хонаи ту полковник мебарояд, ман “Ҷанг сар шудааст” гуфта, дар тамоми кӯча доду вой намебардорам ку!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube