Аз таҳти дил бихандед!

Дашном

Коргардон ба драматург мегӯяд:

— Ман асари шуморо мутолиа намудам, вале барои ба саҳна гузоштан ризоият намедиҳам. Зеро зидди дашному ҳақорат дар театр ҳастам.

Драматург мегӯяд:

— Вале дар матни ман ҳақорат нест.

Коргардон мегӯяд:

— Дар матн нест, вале дар зал мешавад.

Зангирӣ

Шер — шоҳи ҷангал издивоҷ кард. Дар маросими тӯяш ҳамаи ҳайвонҳоро даъват кард. Муше, ки он ҷо ҳузур дошт, зуд-зуд ба шер мегуфт:

— Тӯят муборак шавад, бародар, муборак!

Паланге аз ин гуфтаҳои муш ба хашм омаду гуфт:

— Ту чӣ тавр ҷуръат карда, шоҳи ҷангалро бародар мегӯӣ? Ту куҷову шер куҷо?…

Муш гуфт:

— Асабонӣ нашав, паланг! Ман ҳам пеш аз зан гирифтанам шер будам…

Занбӯр

Аз сари сангпушт занбӯр мегазад. Чанде зӯр зада, сарашро таги косахонааш кашиданӣ мешавад, вале наметавонад.

Ночор мегӯяд:

— Обоооо, имшаб дар берун мемонем чӣ бало?

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube