Аз таҳти дил бихандед!

Садои ҷома

Дар хона шабона чизе ногоҳ гулдуррос зада афтод.

Зан тарсида, бедор шуду пурсид:

— Мардак, чӣ гулдуррос зад? Қариб дилам кафида буд.

Мард:

— Хавотир нашав, ҷомаи ман буд,- ҷавоб дод шавҳар.

— Аҷабо, ҷома ҳамин қадар гулдуррос мезанад магар?!,- изҳори тааҷҷуб кард зан.

— Дар дарунаш худам ҳам будам-дия!,- шарҳ дод шавҳар.

Оши шабмонда

Гадое паси дари ҳавлие омад. Зане садои ӯро шунида, пеши дар омаду гуфт:

— Ту метавонӣ оши шабмонда бихӯрӣ?

Гадо гуфт:

— Худо умратро дароз кунад, метавонам.

Зан гуфт:

— Пас бирав ва фардо биё, мо имрӯз ош мепазем.

Сафар

Ду дўст суҳбат карда истодаанд.

— Имсол ман ба ҷазираи беодаме меравам, ки дар байни уқёнус аст.

— Чӣ хел зўр! Ба занат ин маъқул мешуда бошад?

— Маъқул аст албатта! Вай бечора дар он ҷо ин қадар вақт зиқ шудагист бе ман…

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube