Аз таҳти дил бихандед!

Қумбозии писар

Зане ба духтур муроҷиат карда, мегӯяд:

— Вақтҳои охир ба писарам чизе шудааст. Рӯзи дароз дар назди хона нишаста, қумбозӣ мекунад.

— Ҳеҷ гап не, шумо ташвиш нашавед. Ҳамаи писарбачаҳо дар ин синну сол қумбозӣ мекунанд,- мегӯяд духтур.

— Ман-ку ташвиш намешавам, лекин занаш мумкин аз хона баромада равад,- мегӯяд зан.

Зангирӣ

Ҷавоне аз падар мепурсад:

— Дада, барои зангирӣ чӣ қадар пул лозим аст?

Падар:

— Намедонам писарам, ман то ба имрӯз пул медиҳам.

Арақ

Табиб ба мариз мегӯяд:

— Шумо бояд арақхӯриро бас кунед.

Бемор мепурсад:

— Барои чӣ, доктор?

Табиб мегӯяд:

— Гап сари он аст, ки ман дирӯз хуни шуморо барои ташхис гирифта будам, вале хунатон бухор шудааст!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube