Аз таҳти дил бихандед!

Ҷавонони боодоб

Ду пиразан дар назди бинои истиқоматӣ аз ину он суҳбат мекунанд. Якеаш мегӯяд:

— Ҷавонони имрӯза хеле тифоқ шудаанд, ана ба он гурӯҳ нигар, як сигорро ҳамакаса мекашанд.

Пиразани дигарӣ дар ҷавоб:

— Рост мегӯӣ, бубин, боз механданд.

Бахшиши гуноҳ

Чукчаро гунаҳгор карда, пеши ҳоким бурданд. Гуноҳаш исбот шуд. Ҳоким фармуд:

— Бинии ӯро сӯрох кунед!

Чукча гуфт:

— Эй ҳокими одил, ба Худо, ки бинии ман ду сӯрох дорад, ба сурохии дигар эҳтиёҷ нест!

Ҳоким хандид ва гуноҳи ӯро бахшид.

Санаи истеҳсол

Аз мард мепурсанд:

— Чиро бештар дўст медорӣ? Май ё занро?

Мард дар ҷавоб:

— Ин аз санаи истеҳсолшавӣ вобастагӣ дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube