Аз таҳти дил бихандед!

Мусиқии шӯх

Занги телефонӣ ба радио:

— Ассалому алейкум! Ман имрӯз аз бозор ҳамёне ёфтам, ки дар дарунаш 200$, 1200 сомонӣ ва шиноснома ба номи Саидов Маҳкам аст. Аз шумо хоҳиш дорам, барои ӯ ягон мусиқии шӯх монед.

Дуто нон

Марде аз сафар бармегашт, торик шуд, ба хонаи як шиносаш даромад. Шиносаш одами хасис буд, хеле гап доду баъд ҷойгаҳ партофта, “баҳузур хоб кунед, шабатон хуш” гуфта, баромада рафт.

Аз гуруснагӣ хоби мард намебурд. Ноилоҷ хеста дарро тақ-тақ кард. Шиносаш аз дарун:

— Чӣ шуд?

— Дуто нон даркор,- гуфт мард.

— Дар ин нимишабӣ нонро чӣ кор мекунед?,- пурсид шиносаш.

— Болишт паст, хобам набурда истодааст, нонҳоро ба тагаш мемонам,- гуфт мард.

Дастпӯшак

Дар беморхона. Духтур ба назди марде, ки ҷарроҳӣ шудааст, медарояду мегӯяд:

— Бахшиши зиёд, дирӯз ман ҳангоми ҷарроҳӣ намудани шумо дар даруни шикаматон дастпӯшакҳоямро фаромӯш кардаам. Лозим мешавад, ки боз шуморо як бори дигар ҷарроҳӣ кунам.

Бемор ҷавоб медиҳад:

— Ташвиш накашед. Беҳтараш ман ба шумо пули дастпӯшакҳоятонро медиҳам, раведу навашро харед.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube