Аз таҳти дил бихандед!

Моҷаро

Дар байни кӯча ду нафар бо ҳам муноқиша мекунанд. Марди якум мегӯяд:

— Гӯсфанд!

Марди дуюм дар ҷавоб:

— Худат гӯсфанд!

Роҳгузаре ҷанҷоли онҳоро шунида, мегӯяд:

— Модоме, ки ҳардуятон хешу табор бошед, барои чӣ моҷаро мекунед?

Ҳуҷҷати имтиёзнок

Духтури ҷарроҳ ба бемор мегӯяд:

— Барои аз сари шумо мехро кашида гирифтан бояд се ҳазор сомонӣ пардохт намоед.

Бемор дар ҷавоб мегӯяд:

— Охир, ман ҳуҷҷати имтиёзнок дорам.

Ҷарроҳ дар ҷавоб мегӯяд:

— Бо он ҳуҷҷат мо танҳо мехро дар ҷояш қат карда метавонему халос!

Бева

Мард аз занаш тавалло мекунад:

— Гулсара, илтимос, биё бе ҷангу ҷанҷол аз ҳамдигар ҷудо мешавем. Хоҳӣ, ман дар наздат ба зону меистам, тавалло дорам…

Зан дар ҷавоб:

— Хестӣ, ки хобӣ! Ин хаёли хомро аз сарат дур парто! Маро бева гирифта будӣ, бева сар медиҳӣ!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube