Аз таҳти дил бихандед!

Тарозуи гӯё

Зан ба назди духтур рафта, мегӯяд:

— Духтур, ба фикрам, ман фарбеҳ шудаам.

Духтур:

— Чаро ин тавр фикр мекунед?

Зан:

— Имрӯз тарозуи гӯё харидаму вазнамро чен кардам.

Духтур:

— Хуш, тарозуи гӯё вазнатонро чанд гуфт?

Зан:

— Тарозу гуфт, ки «илтимос, ба болои тарозу якнафарӣ бароед!».

Дӯзах

Марде ба дӯсташ ҳасрат мекунад:

— Бо шарофати занам ман тақводор шудам.

Дӯсташ ҳайрон шуда, мепурсад:

— Чӣ тавр?

Мард дар ҷавоб:

— То рӯзи тӯямон ман ба вуҷуд доштани дӯзах боварӣ надоштам.

8-уми март

Дар маркази шаҳр танбаи мошинҳо сар зада, як автобус пур аз одам интизори кушода шудани роҳ меистанд. Баногоҳ ронанда эълон мекунад:

— Истгоҳи оянда 8-уми март.

Марде аз дохили автобус:

— Ваҳ, мо то 8-уми март дар ҳамин ҷо мешинем-мӣ?

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube