Ба финали Ҷоми Либертадорес роҳ ёфтани “Флуминенсе”

Дирӯз, 5-уми октябр бозии дуюми марҳилаи ниманиҳоии Ҷоми Либертадорес миёни тимҳои бразилии «Интернасионал» ва «Флуминенсе» доир шуд.

Бино ба иттилои ТВ “Варзиш”, меҳмонон бо ҳисоби 2:1 пирӯз шуда, аз ҳисоби натиҷаи ду бозӣ (ҳисоби бозии аввал 2:2) ба финали мусобиқа баромаданд.

Мизбонон нахуст дар ҷараёни бозӣ ба задани гол даст ёфтанд. Дифоъгари марказӣ Габриел Меркадо дар дақиқаи 10-ум муаллифи гол гардид. Голи ҷавобӣ бошад, дар фурсатҳои ахири рақобат ба самар расонида шуд. Дар дақиқаи 81-ум ҳисобро ҳамлавар Ҷон Кеннеди Батиста де Соуза баробар кард. Ҳамлавар Херман Кано ахиран дар дақиқаи 87-уми бозӣ бо голи хеш дастаашро ба финали мусобиқа баровард.

Бо «Флуминенсе» баҳри ҷоиза ғолиби рақобати дигари ниманиҳоӣ аз миёни «Бока Хуниорс» ва «Палмейрас» (ҳисоби бозии аввал 0:0) мубориза мебарад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube