Байден Шӯрои амниятро дигар мекунад

Ҷо Байден-прзиденти нави Амрико тасмим гирифтааст, ки Шӯрои амнияти миллиро тағйир диҳад. Дар ин Шӯро як сохтори алоҳида танҳо ба масоили Русия ва Осиёи Марказӣ машғул хоҳад шуд. Байден алакай эълон кард, ки ин ниҳоди навро Андреа Кендалл-Тейлор – корманди собиқи мақомоти амниятии Амрико роҳбарӣ хоҳад кард.
Ташкили чунин ниҳоди махсуси Русия ва Осиёи Марказӣ дар Шӯрои амнияти миллии Амрико ба ин маъност, ки дар замони раёсати Байден муносибатҳо бо Русия ва кишварҳои Осиёи Марказӣ дигарбора дар авлавият қарор мегиранд. Дар замони раёсати Барак Обама ва Ҷорҷ Буши хурдӣ дар дастгоҳи Шӯрои амнияти миллии Амрико як ниҳоди махсус оид ба Русия вуҷуд дошт, вале Доналд Трамп онро барҳам дода, масоили сиёсати Амрико дар робита ба Русияро ба бахши аврупоии Шӯрои амнияти миллӣ вогузор шуда буд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube