Бародаршаҳр шудани Душанбеву Тошканд

Шаҳрдори Душанбе Рустами Эмомалӣ ва муовини нахуствазири Узбакистон Улуғбек Розуқулов рӯзи 21-уми июн дар мавриди таъсиси «Хонаи савдо» дар шаҳрҳои Душанбеву Тошканд ва ҳамчунин роҳандозии сафарҳои сайёҳӣ миёни шаҳрҳои ду кишвар, сӯҳбат карданд. Абдумаҷид Усмонзода, раиси дафтари матбуоти ҳукумати шаҳри Душанбе  гуфтааст, ки дар ин мулоқот ҳамчунин роҷеъ ба бародаршаҳрии Душанбе ва Тошканд, табодули афкор сурат гирифт. Ҷаноби Усмонзода афзуд, ки ин иқдом танҳо дар сатҳи пешниҳод буда ва дар ояндаи наздик амалӣ хоҳад шуд. Ба гуфтаи манбаъ, дар мулоқоти раиси шаҳри Душанбе ва муовини нахуствазири Узбакистон, ҷонибҳо дар бораи рушди ҳамкориҳои иқтисодӣ-тиҷоратӣ миёни Душанбе ва ширкату корхонаҳои Узбакистон, сӯҳбат карданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube