БДА: Бо мошинҳои сиёҳшиша ба Ӯзбекистон сафар накунед!

Раёсати бозрасии давлатии автомобилии Вазорати корҳои дохилии Ҷумҳурии Тоҷикистон аз ҳамаи ронандагони воситаҳои нақлиёт хоҳиш ва талаб менамояд, ки бо мошинҳои шишаҳояшон сиёҳу хиракардашуда ба Ҷумҳурии Ӯзбекистон сафар накунанд. Дар ин бора аз Вазорати корҳои дохилии Ҷумҳурии Тоҷикистон  хабар доданд.

«Раёсати бозрасии давлатии автомобилӣ аз ҳамаи ронандагони воситаҳои нақлиётие, ки ба Ҷумҳурии ба мо дӯсту ҳамсоя — Ӯзбекистон сафар менамоянд, эҳтиромона хоҳиш ва талаб менамояд, ки Қоидаҳои ҳаракат дар роҳ ва дигар меъёрҳои амалкунандаро риоя ва итоат намоянд», — омадааст дар хабари Вазорати корҳои дохилии ҷумҳурӣ.

Ба иттилои манбаъ, сафар намудан ба Ҷумҳурии Ӯзбекистон бо мошинҳои шишаҳояшон сиёҳу хиракардашуда қатъиян манъ мебошад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube