Бензема сабаби ба “Ал-Иттиҳод” рафтанашро гуфт

Футболбози фаронсавӣ Карим Бензема ба бошгоҳи арабии “Ал-Иттиҳод” гузариш кард. Маросими муаррифии ӯ бо ҳузури 62 ҳазор мухлис дар яке аз майдонҳои Арабистони Саудӣ доир гашт.

Вақте ки аз Карим Бензема сабаби интихоби лигаи Арабистони Саудиро пурсиданд, чунин посух дод:

— Арабистон кишвари мусалмонист, ман ҳам мусалмонам ва ҳамеша орзу доштам, ки дар чунин макон ба кори дӯстдоштаам машғул шавам.

Ҳамчунин, ҳамлавари “Ал-Иттиҳод” доир ба чемпионати Арабистони Саудӣ ва ташаккули он фикрашро баён кард:

— Боварӣ ҳаст, ки ин лига рӯз аз рӯз диққатҷалбкунанда шуда истодааст, зеро дӯсти ман Роналду ва инак, ман дар ин ҷо ҳастем.

Ёдовар мешавем, ки Карим Бензема бо бошгоҳи “Ал-Иттиҳод” барои ду мавсим шартнома баст ва дар ин муддат 200 миллион евро пул мегирад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube