Бингар, ки кӣ мегӯяд…

Акбар НОЗИМОВ, профессори яке аз донишгоҳҳои Русия

— Аслан, “намедонам” гуфтан ҷойи ору номус нест, хатою нодуруст гуфтан шармандагист. Замоне академикҳои машҳури ҷаҳон дар ҷавоб ба саволҳои донишҷӯён “намедонам” мегуфтанд.

— Ҳаҳаҳаҳ, он замон дигар буд, рафиқ профессор. Дар замони мо академикҳои беҳисобамон ҳама чизро медонанд. 

Малоҳат АБДУЛЛОЕВА, актрисаи театру кино ва коргардони дубляж

— Мехоҳам, ки дубляжи тоҷикро на танҳо дар дохили Тоҷикистон, балки дар Афғонистон, Эрон ва дар ҷойҳое, ки забони форсиро мефаҳманд, тамошо кунанд.

— Намехоҳед, ки дубляши филмҳои тоҷикиро дар Аврупову Амрикову Африқо ва дар ҷойҳое, ки забони англисиро мефаҳманд, тамошо кунанд?   

Давлатҷон КОМИЛЗОДА, олими соҳаи парандапарварӣ

— Фарҳанги истеъмоли маҳсулоти ғизоиро ба талаботи замони муосир мутобиқ намуда, истеъмоли гӯшти парандаро васеъ ба роҳ мондан лозим аст.

— Эҳ, эҳ, устод, коре мекунед, ки баъди чунин тавсияҳоятон аз хӯрдани тухм ҳам маҳрум мешавем. Яъне, баръакси ҳамон мақоли “мурғак бихӯр як рӯз, тухмак бихӯр ҳар рӯз” ҳам намешавад…

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube