Боздошти қаллобони лотереяфурӯш (видео)
Маркази матбуоти Прокуратураи генералии Тоҷикистон рӯзи 10 январи соли 2024 хабар дод, ки сокинони ноҳияи Рудакӣ Ғафурзода Сомон ва Гулзода Некрӯз дар видеохостинги шабакаи иҷтимоии “YouTubе” саҳифаҳои худро бо номҳои “SOMONOfficial” ва “МАКSIМ ТV” ба қайд гирифта, бозии лотерея ташкил кардаанд.
Онҳо бардурӯғ чандин мошини тамғаҳои “КИА К5”, “Тойота Камри” ва“Ҳюндай Соната”-ро ба бозии лотерея гузошта, шаҳрвандони зудбоварро ба маблағи садҳо ҳазор сомонӣ фиреб додаанд.
Ба ҳисоби тафтишот, дар натиҷаи кирдорҳои қаллобонаи Сомон Ғафурзода ва Наврӯз Гулзода маблағи зиёди шаҳрвандон, дар маҷмуъ 590 ҳазору 700 сомонӣ тасарруф карда шудааст.
Дар пайи ин қазия тафтишот идома дорад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ