Боздошти марди шуғнонӣ бо сангҳои қимматбаҳо

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсияи пойтахт марди 48-солаи сокини ноҳияи Шуғнон бо гумони муомилоти ғайриқонунии сангҳои қимматбаҳои табиӣ дастгир карда шуд.

Дар вақти кофтукови шахсӣ аз номбурда 41-адад сангҳои рангашон гуногун мувофиқи маълумотномаи Нозироти давлатии иёргирии назди Вазорати молияи Ҷумҳурии Тоҷикистон 10-адад сангҳои «Ёқут» вазнаш 10,23 грамм, 1 адад санги «Лаъл» вазнаш 1,07 грамм, 25 адад сангҳои «Клиногумит» вазнашон 18,79 грамм, 4 адад сангҳои «Корунд» вазнашон 6,76 грамм ва 1 адад санги «Гранат» вазнаш 4,36 грамм, ки вазни умумиашон 41,32 граммро ташкил медиҳанд, дарёфт ва гирифта шуд.
Аз рӯи ин ҳодиса тафтишот идома дорад.

ВКД

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube