Боздошти ронандаҳое, ки ба мошини ёрии таъҷилӣ роҳ надоданд

Дар Душанбе ду ронанда барои роҳ надодан ба мошини ёрии таъҷилӣ боздошт шуданд. Онҳо ҳангоми ҳаракат дар кӯчаи Соҳилӣ ба мошини ёрии таъҷилӣ роҳ надоданд.

Тибқи иттилои Раёсати ВКД  дар Душанбе, дар асоси навори шабакаҳои иҷтимоӣ нашр гардида, аз ҷониби кормандони бозрасӣ Алиев Файзалӣ-ронандаи «Range Rover», рақамҳои қайди давлатиаш 1111DD03 ва Тошкандиев Беҳрӯз-ронандаи «Toyota», рақамҳои қайди давлатиаш 7770WH10 боздошт гардиданд.

“Номбурдагон зимни ҳаракат дар кӯчаи Соҳилӣ ду қатори роҳро банд намуда, дидаву дониста ба нақлиёти Ёрии таъҷилӣ роҳ надоданд. Воситаҳои нақлиёт ба ҷаримагоҳи муваққатӣ дастрас карда шуда, нисбати ронандагон протоколҳои маъмурӣ тартиб дода шуданд”,-иттилоъ медиҳад манбаъ.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube