Бозии санҷишии дастаҳои мунтахаби Тоҷикистон ва Қирғизистон
Дастаи мунтахаби футзали Тоҷикистон дар маҷмааи варзишии «Газпром»-и Бишкек дар доираи омодагӣ ба мусобиқаи интихобии Ҷоми Осиё-2022 бо тими миллии Қирғизистон бозии дўстона баргузор кард.
Вохўрӣ аз ду қисми 25-дақиқагӣ иборат буд, ки бо ҳисоби 6:5 ба фоидаи футзалбозони Қирғизистон анҷом ёфт. Аз ҳайати тими миллии мо Файзалӣ Сардоров ба номаш хет-трик сабт кард. Некрўз Алимаҳмадов ва Идрис Ёров якголӣ заданд.
Қобили зикр аст, ки дар минтақаи Марказӣ ва Ҷанубии мусобиқаи интихобии Ҷоми футзали Осиё-2022, ки аз 10-ум то 12-уми апрел дар Бишкек баргузор мешавад, тими миллии Тоҷикистон дар гуруҳи «В» баромад мекунад. Ҳарифи дастаи мо дастаҳои мунтахаби Афғонистон (10-уми апрел), Непал (11-уми апрел) ва Ўзбекистон (12-уми апрел) хоҳанд буд. Ду дастаи беҳтарин аз гуруҳ ба қисмати финалии Ҷоми Осиё-2022 роҳ меёбад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ