Чемпиони чандинкарата. Надежда Антонова соҳиби медали тилло шуд
Шоҳмотбози тоҷикистонӣ Надежда Антонова, ки чанде пеш ғолиби мусобиқаи «Ҷоми Пешвои миллат» шуда буд, дар Чемпионати Осиё миёни дӯстдорони бозии шоҳмот соҳиби медали тилло шуд.
Дар мусобиқаи мазкур, ки дар шаҳри Ал — Айни АМА аз 14 то 23 декабри соли 2024 доир мешавад, шоҳмотбозони 31 мамлакат ширкат доранд.
Надежда Антонова 12 ноябри 1988 дар Душанбе ба дунё омадааст. Ӯ чемпиони чандинкаратаи Тоҷикистон миёни духтарон ва занон аст. Вай аз соли 2010 устоди ФИДЕ ва иштирокчии ҳашт олимпиадаи ҷаҳонии шоҳмот мебошад.
Надежда дар оилаи шоҳмотбоз ба дунё омадааст, падари ӯ Павел Антонов ва модараш Лидия Антонова низ шоҳмотбозони маъруфи Тоҷикистон мебошанд.
Ӯ факултети забонҳои хориҷии Донишгоҳи славянии Русияву Тоҷикистонро хатм кардааст. Ҳоло бошад, дар Донишгоҳи давлатии тарбияи ҷисмонӣ, варзиш, ҷавонон ва сайёҳии Русия таҳсил мекунад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ