Чоршанбе Аловатов боз ғолиби озмуни байналмилалӣ шуд

Чоршанбе Аловатов дар фестивали байналмилалии мусиқии “Crystal Globe Awards 2024” дар шаҳри Ню-Йорк баромад кард.

Нахуст, ӯ ҳамчун меҳмони махсус даъват шуда буд, на иштирокчӣ, вале ташкилкунандагонро бо овози худ чунон ба ҳайрат овард, ки ниҳоят ба унвони Гран-прӣ мушарраф шуд.

Дар бораи ин фестивал ӯ дар шабакаҳои иҷтимоӣ навиштааст:

«Ин яке аз рӯйдодҳои бузург дар ҳаёти ман мебошад. Ман мехоҳам ба ҳар яки шумо барои дастгирие, ки новобаста аз масофаи дур ҳис мекардам, миннатдории самимӣ баён кунам. Шумо ба ман илҳом мебахшед ва қувват медиҳед… Ин як ҳодисаи аҷибе буд, ки аҳли мусиқии тамоми ҷаҳонро ба ҳам овард. Ман ифтихор дорам, ки иштирокчии ин ҷашни бузурги мусиқӣ ҳастам”.