Дабири кулли СММ ба омодагӣ ба пандемияи навбатӣ даъват кард

Дабири кулли Созмони Милали Муттаҳид (СММ) Антониу Гутерреш эълон дошт, ки пандемияи COVID-19 барои инсоният охирин нест ва бояд ба ояндаи он омода шуд. Ин иттилоъ дар саҳифаи Twitter-и ӯ нашр гардидааст.

“COVID-19 охирин пандемияе нахоҳад буд, ки инсоният бо он рӯ ба рӯ мешавад. Вақте ки мо бо ин буҳрон дар самти тандурустӣ мубориза мебарем, бояд ба буҳрони оянда ҳам омода шавем”,- навиштааст Гутерреш.

Ӯ аз Рӯзи байналмилалии омодагӣ зидди эпидемия, ки ҳамасола дар ҷаҳон 27-уми декабр қайд карда мешавад, ёдовар гардида, хостори таваҷҷуҳи зарурӣ ба масъалаи пандемияҳои эҳтимолӣ ва сармоягузориҳо шудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube