Дар Душанбе марди 36 — сола бо гумони қаллобӣ дастгир шуд

Дар шаҳри Душанбе Шодмон Каримови 36-сола бо гумони қаллобӣ боздошт шуд.

Дар ин бора Раёсати Вазорати корҳои дохилӣ дар пойтахт хабар додааст.

Гуфта мешавад, зимни санҷиш муайян шудааст, ки Каримов бо роҳи қаллобӣ маблағҳои шаҳрвандонро азхуд кардааст. “Номбурда ҳангоми дар назди дастгоҳи худкори маблағгузаронии “Душанбе Сити” қарор доштан, бо роҳи фиреб ба боварии як нафар сокини шаҳри Душанбе даромада, бо ваъдаи ба суратҳисобаш пардохт намудан, аз ӯ 2 ҳазор сомонӣ гирифта, аз ҷойи ҳодиса фирор намудааст”, – хабар медиҳад ВКД.

Ҳоло бо мақсади муайян намудани дигар кирдорҳои ҷиноятии гумонбаршаванда, тафтишоти пешакӣ оғоз шудааст.

Мақомоти милитсия аз ҳамаи шаҳрвандоне, ки қурбонии фиреби ин нафар шудаанд, даъват менамояд, ки барои пешниҳоди далелҳо ба Раёсати ВКД дар шаҳри Душанбе муроҷиат кунанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube