Дар “Корвон-Сити” ноболиғ 20 000 сомониро дуздид

Аз ҷониби кормандони милитсияи шаҳри Душанбе бо гумони дуздӣ писарбачаи 15-солаи сокини кӯчаи Деҳотии шаҳри Душанбе дастгир намуданд, хабар додааст дафтари матбуоти Раёсати вазорати корҳои дохилии шаҳри Душанбе.

Тавре манбаъ қайд мекунад, ба ШВКД-1 дар ноҳияи Фирдавсӣ, марди 43-солаи сокини кӯчаи Н.Қарабоеви пойтахт ариза кардааст, ки аз моҳи сентябри соли 2018 то моҳи марти соли 2019 шахсони номаълум бо роҳи пинҳонӣ аз дохили мағозааш воқеъ, дар бозори “Корвон-Сити” 20 ҳазор сомониро дуздида аз ҷойи ҳодиса ғайб задаанд.

Манбаъ зикр намудааст, ки кормандони милитсия ҳангоми ҷустуҷӯ ноболиғ, писарбачаи 15-солаи сокини кӯчаи Деҳотии шаҳри Душанберо дастгир намуданд.

Дар ҳоли ҳозир ҳодисаи мазкур мавриди тафтишот қарор дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube