Дар сурати таҳдиди Толибон ба марзи Тоҷикистон, чораҳои ҷавобӣ андешида мешавад…

Тоҷикистон «интиқол»-и неруҳои афғон ба марзро шарҳ дод.

ТАСС рӯзи 16-уми феврал бо такя ба як манбаъ дар ниҳодҳои интизомӣ хабар медиҳад, ки авзоъ дар марз бо Афғонистон таҳти назорати низомиён аст, мақомоти Тоҷикистон ба ҳар гуна таҳаввулоти ҳодиса омодаанд.

«Артиши тоҷик барои таҳияи ҳамагуна сенария дар марз бо Афғонистон омода аст»,- изҳор дошт манбаъ. Ҳамсуҳбати агентӣ дар шарҳи суханони сардори нави Ситоди кулли ҷунбиши радикалии Толибон, ки дар Афғонистон ба қудрат расид (ташкилоте, ки фаъолияташ дар Федератсияи Русия мамнуъ аст) тавзеҳ дод, ки таҳдидҳои эҳтимолии беруна аз ҳамсояи ҷанубӣ таҳти назорат гирифта мешаванд. Ва ба шиддат роҳ додан мумкин нест. Ба гуфтаи ин ниҳод, дар сурати таҳдиди ҷунбиши Толибон Тоҷикистон чораҳои ҷавобӣ меандешад.

Манбаъ тахмин мекунад, ки изҳороти ин мақоми амниятии Афғонистон эҳтимолан иғвоангез бошад. Ба марзи Тоҷикистону Ӯзбекистон фиристодани 10 ҳазор ҷангҷӯи мусаллаҳи Толибон аз сӯи мақомоти Афғонистон анҷом шудааст. Ёдовар мешавем, ки рӯзи 14-уми феврал сардори ситоди кулли неруҳои мусаллаҳи ҷунбиши террористии Толибон Қорӣ Фасиҳуддин Фитрат гуфта буд, ки 10 ҳазор ҷангҷӯи мусаллаҳи Толибон фиристода мешавад, ки дар Федератсияи Россия мамнуъ аст.

Ҷангҷӯён қасд доранд дар вилоятҳои шимолии Афғонистон, дар наздикии марз бо Тоҷикистону Ӯзбекистон мустақар шаванд. Фитрат тавзеҳ дод, ки барои ҳимоят аз ин нерӯи тавоно ҳавопаймоҳои ҷангӣ дар ояндаи наздик омода хоҳанд шуд.

Пас аз 20 сол, дар моҳи апрели соли 2021, Ҷо Байден, раисиҷумҳури ИМА, тасмим гирифт, ки неруҳояшро хориҷ кунад. 15-уми августи соли 2021 ҳангоми хурӯҷи контингенти Амрико аз Афғонистон Толибон бар ин кишвар назоратро барқарор карданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube