Даргузашти Худогӯ, паҳлавони номии тоҷик дар Ванҷ

Худогӯ Ҷумъаев, паҳлавони номдори тоҷик дар синни 70-солагӣ дар зодгоҳаш, деҳаи Удоби ноҳияи Ванҷ даргузашт,- хабар доданд наздиконаш дар шабакаҳои иҷтимоӣ.

Худогӯ Ҷумъаев аз нахустин устодони варзиши Иттиҳоди Шӯравӣ дар риштаи самбо аз Тоҷикистон буда, 15 бор қаҳрамони ҷумҳурӣ дар ин навъи варзиш шудааст. Ӯ ки дар вазни беш аз 80 кило қувваозмоӣ мекард, ба унвони яке аз майдондорони асосии Тоҷикистон дар солҳои 70-90-уми асри гузашта ёд мешавад.

Бар асоси ҳолномаи Ҷумъаев, ки сомонаи «Vanj.info» нашр кардааст, ӯ умрашро ба тарбияи насли наврас бахшидааст. Дар феҳрасти шогирдони Ҷумъаев Эргаш ва Шер Маҳмадбековҳо, устодони варзиши федератсияи Русия зикр мешаванд, ки худашон низ чандин қаҳрамони сатҳи ҷаҳониро тарбия намудаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube