Дастаи «Истиқлол» «Аҳал»-и Туркманистонро Мағлуб кард
Шоми дирӯз дар доираи бозиҳои даври 5-уми Ҷоми КФО-2018 дар гурӯҳи «D» дастаи футболи «Истиқлол»-и Тоҷикистон дар сафар дастаи футболи «Аҳал»-и Туркманистон бо ҳисоби 1:0 мағлуб намуд.
Тавре аз Федератсияи футболи Тоҷикистон иттилоъ доданд, ин дидор дар шаҳри Балканободи Ашхободи Туркманистон дар ҳузӯри мухлисони сершумор баргузор гардид. Фатҳулло Фатҳуллоев бозингари дастаи футболи «Истиқлол»-и Тоҷикистон дар дақиқаи 51-ум голи ягона дидори мазкурро ба ҳадаф расонид.
Ёдовар мешавем, ки дар бозии аввали марҳилаи гурӯҳии Ҷоми КФО-2018 дастаи футболи «Истиқлол»-и Тоҷикистон 7 марти соли равон дар Варзишгоҳи марказии шаҳри Ҳисор дастаи «Аҳал»-и Туркманистонро бо ҳисоби 1:0 шикаст дод. Аз рӯи натиҷаҳои 5 давр дастаи футболи «Истиқлол» бо 13 имтиёз садрнишини гурӯҳи «D» мебошад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ