“ДЕҲҚОНБОЗОР”-И ГИПРОЗЕМ БА КОМИ ОТАШ РАФТ(ВИДЕО)

Як корбари шабакаи иҷтимои бо номи Парвиз Парвиз соати 00:40-и 22 июл бо ишораи «Фаврӣ» видеои сӯхтор дар «Деҳқонбозор»-и воқеъ дар Гипроземи пойтахтро нашр кард.

Бино ба иттилои Парвиз ТВ, бозор баъди нимашаб, соатҳои тахминан 00:40-и 22 июл ба коми оташ рафтааст. Дар видеои кӯтоҳи нашршуда дида мешавад, ки чигуна аз дохили бозор забонаи оташ ба осмон баланд мешавад ва шоҳидон мегӯянд, «ин «Деҳқонбозор»-и Гипрозем аст, ки сӯхта истодааст.»

Бояд гуфт, ки бозори «Деҳқон» асосан ба фурӯши маҳсулоти кишоварзӣ ва қисман маҳсулоти дигари хӯрокворӣ ихтисос дошт ва бо нархҳои нисбатан арзонтари меваву сабзавоташ аз дигар бозорҳои пойтахти Тоҷикистон фарқ мекард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube