Ду ҷавон бо қасди худкушӣ худро ба дарё партофтанд. Сабаби ин иқдомашон чӣ буд?

Дар шаҳри Хуҷанд як ҷавон ва як духтар худро ба дарё партофтаанд: духтар наҷот ёфт, вале ҷустуҷӯи ҷавон идома дорад…

Субҳи 28-уми апрели соли 2022 дар шаҳри Хуҷанд як ҷавони 21-сола аз деҳаи Пардуди ноҳияи Айнӣ ва як духтари 18-сола аз деҳаи Нурафшон дар канори шаҳри Леваканти вилояти Хатлон худро аз болои пули ҷашнӣ ба Сирдарё партофтаанд. Духтар тавонистааст аз об берун баромада, худро наҷот диҳад, вале ҷавон ғарқ шудааст. Ҷустуҷӯи ҷавон инак ду рӯз боз идома дорад,- менависад BOMDOD.COM.

Сабаби чунин ранг гирифтани ҳодисаро бояд мақомоти ҳуқуқ бояд муайян кунанд.

Вале…

Чаро бештар ҷавонон даст ба чунин рафтори ношоиста мезананд? Сабаби чунин кирдори зишту номатлуб дар чист? Паст будани сатҳи маърифати ҷавонон ва ё садди роҳ шудани падару модарон ба хушбахтии фарзандон? Чунин рафторҳои нангин рӯз то рӯз доранд доман густурда мекунанд. Чаро мо ин ҳамаро мебинему мешунавему мехонем вале боре ҳам ибрат намегирем?! Худованд барои ҳар нафаре ақлу фаросат додааст, пас чаро аз он неъмати худодод ба қадри тавоноиямон истифода намекунем, то даст аз чунин кирдорҳои ношоиставу ноҷавонмардонаамон раҳоӣ ёбем?!!    

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube