Душанбе: Интиқоли барқ қатъ мешавад

Бо  сабаби  гузаронидани корҳои таъмирӣ имрӯз, 5 март аз соати 09:00 то 16:00 дар як қисми  кӯчаҳои ноҳияҳои Исмоили Сомонӣ, Шоҳмансур, Фирдавсӣ ва Сино интиқоли барқ  муваққатан қатъ карда мешавад.

Дар ин бора аз Ҷамъияти саҳомии кушодаи «Шабакаҳои барқии шаҳри Душанбе» ба АМИТ «Ховар» хабар доданд.

Ба иттилои манбаъ, интиқоли барқ дар кӯчаҳои Шевченко, Ҳ.Назаров, Қаҳҳоров, Бухоро, Чапаев, Шероз, М.Турсунзода, Шарқ, Меҳнат, Заҳматобод, маҳаллаҳои Даҳана, Ҷангалак, Дашти Ҳарзо, Навободи ноҳияи И. Сомонӣ, кӯчаҳои Ҳусейнзода, Нарзиқулов, А.Раҷабовҳо, Титов, Савдо, Улуғбек, маҳаллаҳои Қаротегин, Баҳорӣ, Чинори Эмом, Камолаи ноҳияи Шоҳмансур, кӯчаҳои Есенин, Фучик, маҳаллаҳои Крупская, Гулбутта, Сомони ноҳияи Фирдавсӣ, кӯчаҳои Гипрозем, Юсуф Вафо, Нахимов, Лолазор, Балъамӣ, Матуншенко, Фурӯзон, Навобод ва Меҳрободи ноҳияи Сино қатъ карда мешавад.

«Вобаста ба ҳаҷми корҳои таъмирию профилактикӣ дар баъзе мавридҳо қувваи барқ пеш аз муҳлати нишондодашуда интиқол дода мешавад», -зикр кард манбаъ.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube