Душанбе-тошканд,парвозҳо оғоз мегарданд

Гуфтушуниди ҳайатҳои расмии Тоҷикистону Узбакистон барои азсаргирӣ ё барқарории парвози ҳавопаймоҳо миёни ду кишвар дар Душанбе оғоз шудааст. Шералӣ Ганҷалзода – вазири нақлиёти Тоҷикистон  гуфтааст, онҳо фақат масъалаи иртиботи ҳавоӣ ва танҳо парвоз аз Душанбе то Тошкандро баррасӣ доранд.

Интизор меравад, шоми чоршанбе «протокол» дар бораи азсаргирии парвозҳо миёни Тоҷикистону Узбакистон ба имзо расад. Вале ба гуфти Ганҷалзода ҳанӯз барояшон маълум нест, ки парвози нахустин кай анҷом мегирад. Қаблан, раиси ширкати ҳавопаймоии Узбакистон гуфта буд, ҷониби Тошканд омодааст, ки нахустин парвозҳоро дар нимаи аввали соли 2017 анҷом диҳад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube