Дуздии 6 сар чорвои калон дар рӯзи равшан

Баъд аз ғайб задани якбора 6 чорвои калони шохдор аз ҷамоати деҳоти Чубеки ноҳияи Ҳамадони соҳиби чорвоҳо марди 32-солаи ҳамин ноҳия ба ШВКД муроҷиат намудааст, ки моҳи декабри соли 2019, шахсони номаълум бо роҳи пинҳонӣ аз заминҳои чарогоҳи хоҷагиаш, 6-сар чорвои калони шохдорро, дуздида, аз ҷойи ҳодиса ғайб задаанд.

Бини ба гуфтаи ҷабрдида зарари расонидашуда 10 ҳазор сомониро ташкил медиҳад.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия дар робита ба ин ҳодиса марди 32-солаи сокини ҷамоати деҳоти Меҳнатободи ҳамин ноҳия, ки пеш бо моддаи 244 қисми 2 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти дуздӣ дастгир карда шуд.
Аз руи ин ҳодиса тафтишот идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube